Baltimore/Washington Internasionale Lughawe

Baltimore/Washington Int. Thurgood Marshall-lughawe
IATA: BWI – ICAO: KBWI – FAA: BWI
Opsomming
Tipe lughawe		Openbaar
Eienaar/Operateur		Maryland Aviation Administration[1]
Bedien		Baltimore metro Washington metro Suid-sentraal Pennsilvanië
Ligging		Anne Arundel County, Maryland, Verenigde State
Geopen		24 Junie 1950; 74 jaar gelede (1950-06-24)
Fokuspunt vir		Southwest Airlines
Hoogte bo seevlak		143 vt / 44 m
Koördinate		39°10′31″N 076°40′06″W / 39.17528°N 76.66833°W / 39.17528; -76.66833
Webtuiste		BWIairport.com
Landkaart
FAA airport diagram
Aanloopbane
Rigting	Lengte		Oppervlak
	vt	m
10/28	10 503	3 201	Teer
15L/33R	5 000	1 524	Teer
15R/33L	9 501	2 896	Teer
Helikopterblaaie
Aantal	Lengte		Oppervlak
	vt	m
H1	100	30	Teer
Statistieke (2021)
Passasiers			18 868 429
Lugbewegings			200 821
Vrag			280 687 ton
Bron: BWI Lughawe[2]

Baltimore/Washington Internasionale Thurgood Marshall-lughawe (IATA: BWI, ICAO: KBWI, FAA LID: BWI), algemeen na verwys as BWI Marshall, is 'n internasionale lughawe in die oostelike Verenigde State wat hoofsaaklik Baltimore, Maryland en Washington, D.C. bedien. Saam met Dulles Internasionale Lughawe en Ronald Reagan Washington Nasionale Lughawe, is dit een van drie groot lughawens wat die Washington-Baltimore-metropolitaanse gebied bedien. Die lughawe is geleë in 'n ongeïnkorporeerde area van Anne Arundel County,^[3] 14 km suid van Downtown Baltimore en 48 km noordoos van Washington, D.C..^[4][5]

BWI Thurgood Marshall-lughawe, 'n basis vir Southwest Airlines, is die 22ste besigste lughawe in die Verenigde State en die besigste in die Washington-Baltimore metropolitaanse gebied.^[6] Dit is vernoem na Thurgood Marshall, 'n boorling van Baltimore en die eerste Afro-Amerikaner wat as mederegter in die Amerikaanse Hooggeregshof gedien het. Hierdie lughawe trek ook groot getalle reisigers uit die Harrisburg, Philadelphia en Richmond metropolitaanse gebiede. BWI beslaan 1 279 ha grond.^[7]

In die vroeë1980's en vir 'n groot deel van die 1990's was BWI 'n spilpunt vir Piedmont Airlines en sy opvolger US Airways, maar die lugredery se finansiële probleme in die nasleep van die dot-comvoorspoedgolf, die aanvalle op 11 September 2001 en lae tarief-mededinging het dit gedwing om sy diens te verminder. Die lughawe was 'n toevlugsoord vir laekostevlugte in die Baltimore/Washington Metropolitaanse Gebied sedert Southwest Airlines se aankoms in September 1993 en daaropvolgende uitbreiding in die vroeë 2000's. Southwest is die lughawe se grootste vervoerder, verantwoordelik vir 56,12% van passasiers wat in 2011 vervoer is^[8] Southwest Airlines bedien tans gemiddeld 245 daaglikse vertrekke na die VSA, Meksiko en die Karibiese Eilande.

In 2008 het die tydskrif Health BWI aangewys as die tweede gesondste lughawe in die Verenigde State.^[9] In 2009 het die lughawe 'n toename van ses persent in lugreisigers gehad as gevolg van meer afslagvlugte.^[10] In 'n 2009-opname van lughawediensgehalte deur Airports Council International was BWI die wêreld se top-lughawe in die 15-tot-25-miljoen-passasierkategorie.^[11] BWI beklee ook die sewende posisie, in mediumgrootte lughawens, gebaseer op klanttevredenheid wat deur JD Power and Associates uitgevoer is.^[12]

1. ↑ "About MDOT MAA". BWIairport.com (in Engels (VSA)). Geargiveer vanaf die oorspronklike op 6 Februarie 2019. Besoek op 16 Februarie 2019. The Maryland Department of Transportation Maryland Aviation Administration (MDOT MAA) is the owner and operator of BWI Marshall Airport (BWI) and Martin State Airport (KMTN).
2. ↑ "BWI Airport Statistics December 2021" (PDF). bwiairport.com. Geargiveer vanaf die oorspronklike (PDF) op 3 Januarie 2023. Besoek op 2 Maart 2022.
3. ↑ "Linthicum CDP, Maryland" (in Engels (VSA)). United States Census Bureau. Geargiveer vanaf die oorspronklike op 6 Junie 2011. Besoek op 3 Maart 2010.
4. ↑ "KBWI Baltimore/Washington International Thurgood Marshall Airport Baltimore, Maryland, USA" (in Engels (VSA)). AirNav.com. Geargiveer vanaf die oorspronklike op 26 Oktober 2016. Besoek op 28 Oktober 2016.
5. ↑ "Driving Directions: Washington DC" (in Engels (VSA)). BWIairport.com. Geargiveer vanaf die oorspronklike op 15 Julie 2017. Besoek op 16 Desember 2011.
6. ↑ "Commercial Service Airport Ranking, FAA" (PDF). Federal Aviation Administration (FAA). 20 Desember 2019. Geargiveer vanaf die oorspronklike (PDF) op 16 Oktober 2019. Besoek op 26 Mei 2020.
7. ↑ "BWI airport data at skyvector.com". skyvector.com. Besoek op 22 Augustus 2022.
8. ↑ 2008 North American Final Rankings Geargiveer op Wayback Machine.
9. ↑ Formichelli, Linda.
10. ↑ Walker, Andrea K. "BWI gains altitude."
11. ↑ "ACI Airport Service Quality Awards 2009" Geargiveer op Wayback Machine Airports Council International
12. ↑ Elaine Reyes (19 Februarie 2010). "BWI Airport Ranks High in Customer Service". NBC Washington. Besoek op 15 Desember 2011.